may mainit na tsaa sa tasa kanina
humahalina ang usok...
unti-unti, dahan-dahan sa pag-akyat
upang kilitiin ang dalawang naghihintay
na butas ng ilong na naninigas sa
kalamigan ng bumabayong umaga.
pagdampi sa ilong ay agad na
nangunyapit ang pait ng mga
pinulbong dahon.
hmmmnnnn...
humahalo ang pait
sa nakapapasonginit.
tinutukso ng ilong ang dila
sa halina ng tsaang dumampi
sa mga ugat nagdadala ng ala-ala.
Ah, tsaa... ang pait na humahalo
sa init. ang linamnam at ang kilig.
ah, tsaa...
ang pinagsaluhan namin nang
kami'y huling magkita.
"Magtsa-tsaa ka ba?"
"Hindi na muna..."
August 24, 2004
No comments:
Post a Comment