may takot na pumapaloob sa akin sa bawat araw na nagdadaan. may kung anong hindi ko mabigyan ng pangalan ang bumabalot sa buo kong pagkatao. minsa'y pakiramdam ko'y kinakain ng ako ng teoryang ipinapasok ko sa aking sistema. napakadami na ng mga bagay ang naituro at natutunan. nakalulunod na ang sali-salimuot na mga katotohanang inihahapag sa aking harapan. mga katotohanang sila rin mismo'y di nagkakatugma. sa isang banda, nakita ko na rin ang teoryangs sasagot sa suliraning ito - diskurso daw ang sabi ng isang habermas. ngunit sa aking palagay, ang solusyong ito ay nagbubunsod muli ng mga panibagong problema. kung ang lahat ay dadaanin na lamang sa isang diskurso, ibig bang ipagbigay katotohanan nito na wala nang absolute, na ang lahat naman pala ay maaaring i-adjust at daanin na lamang sa mabuting usapan? pano na ang katotohanan?
muli, nalulunod nanaman ako sa teorya....
No comments:
Post a Comment